बंगळूर : अभिनेता दर्शनाची गणना कन्नड चित्रपटांतील सर्वात वादग्रस्त अभिनेत्यांमध्ये केली जाते. आपल्या वक्तव्यांमुळे अनेकदा त्याला अडचणींचा सामना करावा लागला आहे. तरी देखील वादग्रस्त वक्तव्य करणे अभिनेता दर्शनने सोडले नाही.
नुकताच कन्नड अभिनेता दर्शन टीमसह होसपेट या ठिकाणी उपस्थित होता. आगामी ‘क्रांती’ चित्रपटातील गीत लॉन्च करण्यासाठी सर्वजण जमले. तेथे चाहत्यांची मोठी गर्दी झाली होती. यावेळी चाहत्यांशी संवाद साधता यावा याससाठी अभिनेता दर्शन स्टेजवर पोचला असता, त्यावर गर्दीतून एका प्रेक्षकाने चप्पल फेकून मारली. यामुळे चांगलीच खळबळ माजली.
????????#WeStandWithDbosspic.twitter.com/zHXZhue0v9
— GODZILLA (@NTR_AA_GODZILLA) December 19, 2022
दर्शनलाही या घटनेचा मोठा धक्का बसला. मात्र त्याने स्वतःला शांत ठेवत सर्व लोकांना शांतता राहण्याचं आवाहन केलं. या घटनेबाबत सोशल मीडियावर अनेक प्रतिक्रिया येत असून अभिनेत्याच्या संतापाचा उद्रेक होत आहे. दर्शनवर चप्पल फेकणाऱ्याला अटक करण्याची मागणी नागरिक करत आहेत. चप्पल दर्शनच्या चेहऱ्याला लागली नसून फक्त खांद्याला लागली.
दर्शनला चप्पल मारण्यामागील कारण त्याने नुकतेच दिलेलं वादग्रस्त विधान असल्याचं सांगितलं जातं. दर्शनने एका मुलाखतीत सांगितलं होतं की, भाग्याची देवी तुमचा दरवाजा वाजवत नाही, जर तिने दार वाजवलं तर तिला पकडून खोलीत ओढत न्या आणि तिथे तिचे सर्व कपडे काढा. या विधानामुळे लोक दर्शनवर प्रचंड संतापले असून ते अभिनेत्यावर जोरदार टीका करत आहेत. यानंतर अनेक प्रमुख वृत्तवाहिन्यांनी दर्शनच्या ‘क्रांती’ सिनेमाच्या प्रमोशनल इव्हेंटवर बहिष्कार टाकला.
