Indapur News : इंदापूर (पुणे) दुचाकीवरून घरी सोडण्याचे आमिष दाखवत दुचाकीचालकाने वयोवृद्ध आजीला अज्ञातस्थळी नेत जबरदस्त मारहाण करून लुटल्याची घटना इंदापूर तालुक्यात घडली आहे. शुक्रवारी (ता. २८) दुपारी बिजवडी ग्रामपंचायत हद्दीत हाप्रकार उघडकीस आला आहे. (Indapur News)
इंदापूरमध्ये भीतीचे वातावरण…..
याप्रकरणी रुक्मिणी पांडुरंग करगळ (वय ८०) असे मारहाण झालेल्या वयोवृद्ध आजीचे नाव आहे. या घटनेने ज्येष्ठ नागरिकांमध्ये भीतीचे वातावरण पसरलं असून अशा चोरट्यांचा बंदोबस्त करण्याची मागणी होत आहे. (Indapur News)
मिळलेल्या माहितीनुसार, गुरुवारी दुपारी बिजवडी ग्रामपंचायत हद्दीतील वनगळी गावच्या रहिवाशी असलेल्या रुक्मिणी पांडुरंग करगळ (वय ८०) या सकाळी गावावरून इंदापूर शहरात औषधे खरेदीसाठी आल्या होत्या. आपलं काम करून दुपारी घराकडे परतत असताना शहरातील बाब्रस पेट्रोल पंपाच्या जवळ पाठीमागून लूना गाडीवर हेल्मेट परिधान करून आलेल्या व्यक्तीने पुढे सोडतो म्हणून आजीला गाडीवर बसवले. (Indapur News)
त्यानंतर त्याने पंपावर पेट्रोलही टाकले. त्यानंतर पुढे बाह्यवळण मार्गाने सरडे टोल नाक्याच्या दिशेने अज्ञातस्थळी नेत बेदम मारहाण करत गळ्यातील आणि दोन्ही कानातील दागिने हिसका देऊन ओरबाडून काढले. यामध्ये आजीच्या कानाला आणि गळ्याला गंभीर दुखापत झाली. चोरट्याने आजीला मारहाणही केली असल्याचे आजीने संगितलं. यामुळे आजीच्या हात, पाय, गळा, कानाला गंभीर जखमा झाल्या आहेत. (Indapur News)
दरम्यान, याबाबत इंदापूर पोलीस ठाण्यात अज्ञात व्यक्तीच्या विरोधात गुन्हा दाखल करण्यात आला आहे. एका महिन्यात दोनदा ज्येष्ठ नागरिकांना लुटण्याचे प्रकार इंदापूरमध्ये घडल्याने शहरातील ज्येष्ठ नागरिकांमध्ये भीतीचे वातावरण पसरले आहे.
