Indapur News : इंदापूर, (पुणे) : पुणे – सोलापूर राष्ट्रीय महामार्गावर सरडेवाडी (ता. इंदापूर) टोल नाक्याजवळ उसाच्या शेतात एका अनोळखी ३५ वर्षीय तरुणाची दगडाने ठेचून निर्घृण हत्या केल्याची घटना उघडकीस आली आहे. Indapur News
ही घटना बुधवारी (ता. १२) सकाळी उघडकीस आली. स्थानिक नागरिकांच्या ही घटना निदर्शनास आल्यानंतर त्यांनी इंदापूर पोलिसांना सदर घटनेची माहिती दिली आहे. सदर घटना समजतास इंदापूर पोलीस ठाण्याचे सहाय्यक पोलीस निरीक्षक प्रकाश पवार, योगेश लंगोटे, सहाय्यक फौजदार युवराज कदम, पोलीस कॉन्स्टेबल विनोद लोखंडे यांच्या पथकाने घटनास्थळी भेट देऊन पंचनामा केला.
सदर मृत व्यक्तीने बसमध्ये प्रवास केल्याचे एसटीचे तिकीट पोलिसांना त्याच्या खिशामध्ये आढळून आलं आहे. तसेच घटनास्थळी पोलिसांना मोबाईल हेडफोन मिळून आलं आहे. यावेळी सरडेवाडी गावचे सरपंच, उपसरपंच, सदस्य आणि स्थानिक नागरिक उपस्थित होते. सदर घटनेचा पुढील तपास इंदापूर पोलीस करत आहेत.
दरम्यान, सदर मृत तरुणाचे शरीर पुढील कार्यवाहीसाठी इंदापूर उपजिल्हा रुग्णालयात पाठविण्यात आले आहे. Indapur News
