पुणे : माथाडी संघटनेच्या नावाखाली खंडणी मागणाऱ्या तिघांना खंडणी विरोधी पथकाने बेड्या ठोकल्या आहेत. संकेत दिलीप गवळी (वय २९, रा. सुखवाणी रॉयल, विमाननगर), अरुण शंकर बोदडे (वय. ४८, रा. भैरवनगर, धानोरी रस्ता), नितीन एकनाथ कांबळे (रा. लोहगाव) अशी अटक करण्यात आलेल्यांची नावे आहेत.
मिळालेल्या माहिती नुसार, विमाननगर भागातील ॲरो मॉलमधील साहित्य उचलण्याचे काम एका व्यावसायिकाकडे देण्यात आले होते. हे काम आमच्या माथाडी संघटनेकडून करण्यात येणार आहे, असे सांगून आरोपी गवळी, बोदडे, कांबळे यांनी व्यावसायिकाकडे खंडणी मागितली मॉलमधील साहित्याची ने-आण करणाऱ्या गाड्या आरोपींनी अडवून त्रास देण्यात आला.
व्यावसायिकाकडे एक लाख २६ हजार रुपये खंडणीची मागणी करण्यात आली होती. याबाबत खंडणी विरोधी पथकाकडे तक्रार देण्यात आल्यानंतर खंडणी विरोधी पथकाने सापळा रचून, कांबळे, बोदडे, गवळी यांना अटक करण्यात आली.
सदरची कामगिरी पोलीस आयुक्त रितेश कुमार, सह पोलीस आयुक्त संदिप कर्णिक, अपर पोलीस आयुक्त (गुन्हे) रामनाथ पोकळे, पोलीस उप आयुक्त (गुन्हे) अमोल झेंडे, सहायक पोलीस आयुक्त, गुन्हे – २ चे नारायण शिरगावकर यांचे मार्गदर्शानाखाली खंडणी विरोधी पथक २, गुन्हे शाखेचे पोलीस निरीक्षक प्रताप मानकर, सहायक पोलीस निरीक्षक चांगदेव सजगणे, पोलीस उपनिरीक्षक श्रीकांत चव्हाण, मोहनदास जाधव व पोलीस अंमलदार विजय गुरव, प्रदिप शितोळे, शैलेश सुर्वे, विनोद साळुंके, संग्राम शिनगारे, सैदोबा भोजराव, सचिन अहिवळे, अमोल पिलाने, चेतन आपटे, अनिल मेंगडे, पवन भोसले, आशा कोळेकर यांनी केलेली आहे.
