बुलडाणा : बुलडाण्यामध्ये परीक्षेआधीच बारावीचा गणिताचा पेपर सोशल मीडियावर व्हायरल झाल्याची प्राथमिक माहिती आहे. सध्या बारावीच्या परीक्षा सुरु आहेत. आज म्हणजेच शुक्रवारी (ता. ३) गणिताचा पेपर होता. मात्र सकाळी साडेदहा वाजता सोशल मीडियावर पेपर व्हायरल झाल्याची माहिती आहे.
तसेच गणिताचा पेपर परीक्षेआधीच अनेक विद्यार्थ्यांकडे पोहोचल्याचा संशय आहे. सिंदखेडराजा येथील परीक्षा केंद्रावर हा प्रकार घडला असल्याची माहिती आहे. बोर्डानेदेखील पेपरफुटीला अधिकृत दुजोरा दिलेला नाही. विद्यार्थ्यांकडे खरंच पेपर पोहोचला होता का? याबाबत यंत्रणा तपास करत आहे.
