लोणी काळभोर, (पुणे) : हडपसर – सासवड मार्गावर एक कंटेनर व शिवशाही बस यामध्ये झालेल्या भिषण अपघातात एकाचा जागेवरच मृत्यू झाला आहे. तर ७ जन गंभीर जखमी झाले आहेत. हि घटना उरुळी देवाची ग्रामपंचायत हद्दीत घडली आहे. जखमींना रुग्णालयात दाखल करण्यात आले असून त्यांच्यावर उपचार सुरू आहेत.
मिळालेल्या माहितीनुसार, पुणे-सासवड रस्त्यावर उरुळी फाट्यावर असलेल्या गोडाऊनमधून कंटेनर माल भरून निघाला होता. ही बस पंढरपूरहून पुण्याच्या दिशेने जात होती. मात्र त्याचवेळी पुण्याच्या दिशेने जात असलेल्या शिवशाही एसटी बसवरील बस चालकाचे नियंत्रण सुटले आणि बस कंटेनरला जाऊन जोरात धडकली.
दरम्यान, बसची धडक एवढ्या जोरात होती की बसचा पुढच्या भागचा चक्काचूर झाला आहे. या अपघातात एकाचा मृत्यू झाला आणि सात प्रवासी जखमी झाले आहेत. घटनेची माहिती मिळताच पोलिस घटनास्थळी दाखल होऊन गाडीतील जखमींना बाहेर काढून रुग्णालयात उपचारासाठी दाखल केले. या अपघाताने काही प्रमाणात वाहतूक कोंडी झाली होती. कारण कंटेनर रस्त्यात पूर्ण आडवा झाला होता.
