छत्रपती संभाजीनगर : समृद्धी महामार्गावर केमिकलचा ट्रक पुलावरून खाली कोसळून अपघात झाल्याची धक्कादायक घटना फतियाबाद (जि.छत्रपती संभाजीनगर) परिसरात मध्यरात्रीच्या सुमारास घडली आहे. या अपघातात ट्रक पुलावरून खाली कोसळल्याने ट्रकला भीषण आग लागली. या आगीत ट्रकमधील ड्रायव्हरसह सर्व प्रवाशांवर मृत्यू झाला आहे.
मिळालेल्या माहितीनुसार, केमिकलने भरलेला एक ट्रक समृद्धी महामार्गावरून चालला होता. ट्रक फतियाबाद परिसरातून जात असताना, ट्रकचालकाचे स्टेअरिंगवरील नियंत्रण सुटले आणि ट्रक पुलावरून खाली कोसळला. पुलावरून खाली कोसळल्याने ट्रकमधील केमिकल्सने पेट घेतला.
ही घटना एवढी भीषण होती की, ट्रकमधील प्रवाशांना प्राण वाचवण्याची संधी मिळाली नाही. तर ट्रकमधील सर्वच प्रवाशांचा जागीच मृत्यू झाला. या भयंकर घटनेतील मृतांचा आकडा अद्याप समजू शकलेला नाही.
दरम्यान, महामार्गावरून जाणाऱ्या इतर प्रवाशांनी तत्काळ पोलीस आणि अग्निशमन दलाला बोलावले. बचाव पथकाने आग विझवली. मात्र ट्रकमधील प्रवाशांना वाचवण्यात अपयश आले आहे. मात्र हा अपघात नेमका कोणत्या कारणामुळे झाला, हे अद्याप समजलेले नाही.
