Judgment of the court हडपसर, ता. ७ : हडपसर पोलीस ठाण्याच्या हद्दीत २०१८ मध्ये अल्पवयीन मुलीवर लैंगिक अत्याचार केल्याच्या गंभीर प्रकरणात जिल्हा व सत्र न्यायालयाने आरोपीला तब्बल २० वर्षांच्या सश्रम कारावासाची शिक्षा सुनावली आहे. या निर्णयामुळे पोक्सो गुन्ह्यांमध्ये कठोर शिक्षेचा पुन्हा एकदा ठोस संदेश गेला आहे. Judgment of the court
हेमंत कडुबा काथार (वय ४२) असे दोषी ठरलेल्या आरोपीचे नाव आहे. आरोपीने २०१८ साली एका अल्पवयीन मुलीवर अत्याचार केला होता. याप्रकरणी पीडित मुलीच्या आईने हडपसर पोलीस ठाण्यात तक्रार दाखल केली होती. त्यानुसार भारतीय दंड विधान आणि लैंगिक अत्याचारापासून बालकांचे संरक्षण (पोक्सो) कायद्यान्वये गंभीर कलमांखाली गुन्हा दाखल करण्यात आला होता.
या गुन्ह्याचा तपास तत्कालीन सहाय्यक पोलीस निरीक्षक कल्याणी शिंदे यांनी केला होता. त्यांनी आरोपीविरुद्ध सबळ पुरावे गोळा करून न्यायालयात दोषारोपपत्र दाखल केले. हे प्रकरण जिल्हा व सत्र न्यायालय, शिवाजीनगर येथे विशेष खटला क्रमांक ३४०/२०१८ म्हणून सुरू होते. Judgment of the court
सुनावणीदरम्यान सरकारी पक्षातर्फे सरकारी अभियोक्ता लीना पाठक यांनी प्रभावी बाजू मांडली. तसेच हडपसर पोलीस ठाण्याचे वरिष्ठ पोलीस निरीक्षक संजय मोगले यांच्या मार्गदर्शनाखाली पोलीस हवालदार संभाजी म्हांगरे यांनी भौतिक व दस्तऐवजी पुरावे वेळोवेळी न्यायालयात सादर करत खटल्याची भक्कम मांडणी केली. Judgment of the court
सर्व साक्षीदार, पुरावे आणि युक्तिवाद विचारात घेत जिल्हा व सत्र न्यायालयाचे न्यायाधीश डी. पी. रागीट यांनी आरोपीला दोषी ठरवत २० वर्षांची सश्रम कारावासाची शिक्षा आणि ५० हजार रुपयांचा दंड सुनावला. दंड न भरल्यास आणखी एक वर्ष सश्रम कारावास भोगावा लागणार आहे. या निकालामुळे पीडितेला न्याय मिळाल्याची भावना व्यक्त होत असून, महिला व बालकांवरील अत्याचार करणाऱ्यांना कायद्याचा कठोर धाक असल्याचा संदेश पुन्हा अधोरेखित झाला आहे. Judgment of the court
सदरची उत्कृष्ठ कामगिरी पुणे शहर पोलीस आयुक्त अमितेश कुमार, पोलीस सह आयुक्त रंजनकुमार शर्मा, अपर पोलीस आयुक्त मनोज पाटील, पोलीस उप आयुक्त डॉ. सागर कवडे, सहाय्यक पोलीस आयुक्त अतुलकुमार नवगिर यांच्या मार्गदशनाखाली पोलीस हवालदार संभाजी म्हांगरे व त्यांच्या सहकाऱ्यांनी केली आहे.
