Hadapsar News हडपसर : पुणे-सोलापूर महामार्गावर बसची वाट पहात थांबलेल्या ३ प्रवास्यांना चौघांनी मारहाण करुन लुटल्याची धक्कायक घटना हडपसर (Hadapsar News) येथील बजाज शोरुमच्या समोर शनिवारी (ता.२४) पहाटे २ वाजण्याच्या सुमारास घडली आहे. (Hadapsar News)
हडपसर पोलीस ठाण्यात गुन्हा दाखल
याप्रकरणी योगेश मोहन घोलप (वय २९, रा. धानोरी) यांनी हडपसर पोलीस ठाण्यात फिर्याद दिली आहे. त्यानुसार ४ अज्ञात चोरट्यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी घोलप व त्यांचे दोन मित्र हे बजाज शोरुमसमोरील रोडवर शनिवारी (ता.२४) पहाटे २ वाजण्याच्या सुमारास बसची वाट पहात बसले होते. तेव्हा एका दुचाकीवरुन तिघे तर दुसर्‍या दुचाकीवरुन एक जण असे चौघे त्या ठिकाणी आले.
चोरट्यांनी फिर्यादी यांच्या हातावर धारदार हत्याराने जोरात फटका मारला. व त्यांच्या हाताला दुखापत करुन केली. तसेच फिर्यादी व त्यांच्या मित्रांना मारहाण करुन त्यांचे तीन मोबाईल व रोकड असा एकूण ५२ हजार रुपयांचा ऐवज जबरदस्तीने चोरुन पळून गेले. याप्रकरणी हडपसर पोलीस ठाण्यात गुन्हा दाखल करण्यात आला आहे. पुढील तपास पोलीस उपनिरीक्षक शिंदे करीत आहेत.
