Hadapsar Crime | हडपसर : या भागातील देविका प्लाजा बिल्डींग, हरपळे पार्क, फुरसुंगी रोड येथील एका लॉजवर पोलिसांनी छापा कारवाई केली. या कारवाईमुळे परिसरात खळबळ उडाली आहे.पोलिसांनी ही कारवाई करत दोन पीडित मुलींची सुटका केल्याची माहिती समोर आली आहे.
लॉजचे चालक, मॅनेजरसह एकावर हडपसर पोलिस ठाण्यात गुन्हा दाखल…
मिळालेल्या माहितीनुसार, सामाजिक सुरक्षा विभाग, गुन्हे शाखा पुणे शहर यांना गुरुवारी (ता. ६) गोपनीय माहिती मिळाली की, रॉयल लॉजिंग देविका प्लाजा बिल्डीग, हरपळे पार्क, फुरसुंगी रोड, पुणे येथे वेश्या व्यवसायासाठी मुली पुरवून वेश्या व्यवसाय चालत आहे.
त्यानुसार, सामाजिक सुरक्षा विभागाचे अधिकारी व पोलिस अमंलदार यांनी बनावट ग्राहक पाठवून खात्री केली. रॉयल लॉजमध्ये वेश्या व्यवसाय चालू असल्याचे स्पष्ट झाले. तात्काळ छापा कारवाई करून, दोन मुलींची सुटका केली आहे.
ही कारवाई सामाजिक सुरक्षा विभागाचे वरिष्ठ पोलिस निरीक्षक, भरत जाधव तसेच सपोनि. अश्विनी पाटील, सपोनि. अनिकेत पोटे, पोलिस अंमलदार, राजेंद्र कुमावत, मनिषा पुकाळे, तुषार भिवरकर, इम्रान नदाफ, रेश्मा कंक, अमित जमदाडे, किशोर भुजबळ, ओंकार कुंभार या पथकाने केली.
अधिक बातम्या वाचण्यासाठी येथे क्लिक करा….!
Hadapsar News : १४ वाहनचोरीचे गुन्हे उघडकीस, १० लाखाचा मुद्देमाल जप्त; हडपसर पोलीसांची दमदार कामगिरी
