Hadapsar Crime | हडपसर, (पुणे) : जमीन विकसित करण्याची स्वप्ने दाखवून जमीन मालकाच्या नावे बोगस बँक खाते उघडून त्यामध्ये करोडो रुपयांचे व्यवहार केले. जमीन विकसित करण्याचा करारनामा करूनही कराराप्रमाणे जमीन मालक शेतकऱ्याला पैसे न दिल्याने तीन बांधकाम व्यवसायिक, बँक संचालकासह एकूण सहा जणांविरोधात न्यायालयाने दिलेल्या आदेशानुसार हडपसर पोलिसांनी गुन्हा दाखल केला आहे.
भूषण पारलेशा, निलेश पालरेशा, विलास थनमल पारलेशा (रा. तिघेही व्हीटीपी हाऊस, फिनेक्स मॉल जवळ, नगर रोड, हडपसर) संजय मुकुंद लेले, नरेश दत्तू मितल्लू,( दोघे रा. जनता सहकारी बँक, शाखा भवानी पेठ, हडपसर, रणवीत गिल (रा. मुंबई) अशी गुन्हा दाखल करण्यात आलेल्या संशयित आरोपींची नावे आहेत.
राहुल रामदास तुपे (वय-५२, रा. अन्सारी फाटा, मांजरी बु. ता. हवेली) अशी फसवणूक झालेल्या शेतकऱ्याचे नाव आहे.
याप्रकरणी तुपे यांनी हडपसर पोलीस ठाण्यात फिर्याद दिली आहे. त्यानुसार पोलिसांनी वरील सहा जणांवर गुन्हा दाखल केला आहे.
२०१४ साली करारनामा…
पोलिसांनी दिलेल्या माहितीनुसार, व्हीटीपी कंपनीचे भागीदार भूषण पारलेशा व त्यांचे भाऊ निलेश पारलेशा यांनी राहुल तुपे यांची जमीन पाहिली व ती विकसित करण्यासाठी त्यांच्यात २०१४ साली करारनामा झाला. करारनामानुसार तुपे यांच्या मिळकतीवर अर्बन बॅलन्स या नावाने प्रकल्प चालू करण्यात आला.
या प्रकल्पात एक अकरा मजली व दुसरी १२ मजली इमारत बांधण्याचे ठरले. कराराप्रमाणे पालरेशा बंधू या दोन इमारती बांधणार होते. इमारतीमध्ये ग्राहकांनी बुकिंग केलेल्या रकमेपैकी ४१.१८ टक्के हे राहुल तुपे यांना व ५८.८२ टक्के व्हीटीपी अर्बन प्रोजेक्ट या कंपनीला वाटून घेण्याचे ठरले होते.
त्याप्रमाणे जनता सहकारी बँक शाखा, भवानी पेठ येथे खाते उघडण्यात आले. व्हीटीपी अर्बन प्रोजेक्ट पुणे एलएलपी अर्बन बॅलन्स नावाने कलेक्शन अकाउंट दोघांच्या संमतीने काढले होते.
या खात्यावर दोघांच्या सह्या होत्या व करारानुसार खात्यावर टक्केवारीनुसार रक्कम जमा होत होती, डेव्हलपमेंट एग्रीमेंट मध्ये असणाऱ्या वीस अटी व शर्ती या दोघांना बंधनकारक असताना व्हीटीपी कंपनीच्या पालरेशा बंधूंनी काही दिवस ठरल्याप्रमाणे रक्कम तुपे यांच्या खात्यावर जमा केली.
जुलै २०१६ मध्ये जनता सहकारी बँक शाखेतील राहुल तुपे यांचे खाते तपासले असता त्यांच्या लक्षात आले की रकमा दुसऱ्याच खात्यावर जमा होत आहे. एका सहकारी बँकेचे संचालक संजय मुकुंद लेले, मॅनेजर नरेश दत्तू मित्तल व व्हीटीपी अर्बन प्रोजेक्टचे भागीदार भूषण पालरेशा, निलेश पालरेशा विलास थर्मल पालरेशा यांनी आपापसात संगनमत करून चेक बुक देण्याची सुविधा नसताना चेक बुक दिले. ग्राहकांचे पैसे बँकेचे संचालक आणि व्यवस्थापकाच्या मदतीने काढून घेऊन जमीन मालक राहुल तुपे यांची फसवणूक केली.
दरम्यान, यासंदर्भात गुन्हा दाखल करण्याचे आदेश कॅन्टोन्मेंट न्यायालयाने दिले होते. पुढील तपास हडपसरचे पोलीस करत आहेत.
डीएसके, मार्वल, नंतर व्हिपीट कंपनीचाचा प्रकार समोर आल्याने ग्राहकांमध्ये चिंतेचे वातावरण निर्माण झाले आहे.यासंदर्भात न्यायालयात जेष्ठ वकील हर्षद निंबाळकर यांनी केस दाखल केली होती.
अधिक बातम्या वाचण्यासाठी येथे क्लिक करा….!
Hadapsar Crime : माता न तू वैरिणी.! आईनेच केली ४ वर्षीय मुलीची निर्घुण हत्या; हडपसर येथील घटना..!
Hadapsar Crime : हडपसर येथे एका अल्पवयीन मुलीवर बलात्कार करणाऱ्या नराधमाला अटक
Hadapsar Accident : दुदैवी घटना ! ट्रकच्या धडकेत नवविवाहिता जागीच ठार
