Gujarat Titans : गुजरात, : गुजरात टायटन्स संघासाठी आयपीएल 2026 ची अंतिम रात्र अत्यंत धक्कादायक ठरली. अहमदाबादमधील नरेंद्र मोदी स्टेडीयम येथे अंतिम सामना संपल्यानंतर संघाच्या खेळाडू आणि सपोर्ट स्टाफला घेऊन जाणाऱ्या बसमध्ये अचानक शॉर्ट सर्किट होऊन आग लागल्याची घटना घडली. सुदैवाने सर्व खेळाडू आणि कर्मचारी सुरक्षित असून मोठा अनर्थ टळला आहे. Gujarat Titans
रविवारी उशिरा रात्री ही घटना घडली. अंतिम सामना संपल्यानंतर संघाची बस स्टेडियमवरून हॉटेलकडे जात असताना बसच्या इंजिनमध्ये तांत्रिक बिघाड झाला. प्राथमिक माहितीनुसार, शॉर्ट सर्किटमुळे इंजिनमधून अचानक धूर निघू लागला आणि काही वेळातच परिस्थिती गंभीर बनली. चालक आणि सुरक्षा कर्मचाऱ्यांनी प्रसंगावधान राखत बस तातडीने थांबवली. Gujarat Titans
धूर पसरत असल्याचे लक्षात येताच सर्व खेळाडू आणि सपोर्ट स्टाफला सुरक्षितपणे खाली उतरवण्यात आले. कोणतीही जीवितहानी किंवा दुखापत झाली नसल्याची माहिती समोर आली आहे. मात्र, या घटनेमुळे संघातील सदस्यांना जवळपास एक तास रस्त्यावरच थांबावे लागले. त्यानंतर पर्यायी बसची व्यवस्था करून सर्वांना हॉटेलमध्ये पोहोचवण्यात आले. Gujarat Titans
या घटनेमुळे गुजरात टायटन्ससाठी रविवारची रात्र दुहेरी धक्का देणारी ठरली. आधी अंतिम सामन्यात बंगळुरूकडून 5 गडी राखून पराभव स्वीकारावा लागला आणि त्यानंतर बसला आग लागल्याच्या घटनेने संघात चिंतेचे वातावरण निर्माण झाले. Gujarat Titans
