Fursungi News फुरसुंगी, ता. ५ : शहरात लागू असलेल्या शस्त्रबंदी आदेशाचे उल्लंघन करत धारदार हत्यार बाळगणाऱ्या एका तरुणाला फुरसुंगी पोलिसांनी मध्यरात्रीच्या कोबिंग ऑपरेशनदरम्यान अटक केली. या कारवाईमुळे परिसरात मोठी खळबळ उडाली असून पोलिसांच्या सतर्कतेचे कौतुक होत आहे. Fursungi News
अमन अशोक दंडनवरे (वय २२, रा. जयभवानी कॉलनी, भेकराईनगर, फुरसुंगी) असे गुन्हा दाखल करण्यात आलेल्या आरोपीचे नाव आहे. याप्रकरणी पोलीस अंमलदार तुकाराम गुरव यांनी सरकारच्या वतीने फुरसुंगी पोलीस ठाण्यात फिर्याद दिली आहे. Fursungi News
पोलिसांनी दिलेल्या माहितीनुसार, फुरसुंगी पोलिसांच्या पथकाने १ मेच्या रात्रीपासून २ मेच्या पहाटेपर्यंत विशेष कोबिंग ऑपरेशन राबवले होते. या दरम्यान खुटवड चौक परिसरात गस्त घालत असताना पोलिसांना गोपनीय माहिती मिळाली की, बेदवाडी परिसरात एक संशयित इसम धारदार शस्त्रासह थांबला असून तो काहीतरी घातक कारवाईच्या तयारीत आहे. Fursungi News
माहितीची खात्री करून पोलिसांनी तात्काळ सापळा रचला. संशयिताला पोलिसांची चाहूल लागताच तो पळून जाण्याचा प्रयत्न करत होता. मात्र, पोलिसांनी तत्परतेने पाठलाग करून पहाटेच्या सुमारास ताब्यात घेतले. चौकशीदरम्यान त्याने त्याचे नाव अमन दंडनवरे असे सांगितले. त्याची अंगझडती घेतली असता त्याच्याकडून एक लोखंडी धारदार शस्त्र जप्त करण्यात आले. सुमारे ५२ सेंमी लांबीचे हे हत्यार असून त्यामध्ये टोकदार पाते असल्याचे पोलिसांनी सांगितले. Fursungi News
महत्त्वाची बाब म्हणजे, शहरात सध्या शस्त्रबंदी आदेश लागू असतानाही संबंधित तरुणाने बेकायदेशीररित्या शस्त्र बाळगले होते. त्यामुळे त्याच्यावर आर्म अॅक्ट कलम ४, २५ तसेच महाराष्ट्र पोलीस कायदा कलम ३७(१) सह १३५ अन्वये गुन्हा दाखल करण्यात आला आहे. या कारवाईत पोलीस उपनिरीक्षक पवार यांच्या मार्गदर्शनाखाली पोलीस कर्मचारी काळे, भोसले, कामथे, टिळेकर आदींचा सहभाग होता. पंचासमक्ष जप्तीची कारवाई करून हत्यार सील करण्यात आले. Fursungi News
