(Fraud News) पुणे : मुलाला नोकरी लावण्याचे आमिष दाखवत लहानपणीच्या वर्गमित्रानेच पावणे ३ लाख रुपयांना गंडा घातल्याचा प्रकार समोर आला आहे. हा प्रकार मे २०२१ ते नोव्हेंबर २०२१ या कालावधीत हा प्रकार घडला आहे.
खडकी पोलीस ठाण्यात फिर्याद…!
याप्रकरणी एका ६० वर्षीय व्यक्तीने खडकी पोलीस ठाण्यात फिर्याद दाखल केली आहे. त्यानुसार, अनिल चंद्रमोरे यांच्यावर गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार व अनिल हे वर्गमित्र आहेत. तक्रारदाराच्या मुलाला आरोपीने नोकरी लावण्याची बतावणी केली. त्यांचा विश्वास संपादन करुन त्यांच्याकडून नोकरी लावण्यासाठी एकूण २ लाख ७७ हजार रुपये घेतले.
परंतु, त्यांच्या मुलाला नोकरी लावली नाही. त्यामुळे तक्रारदाराने दिलेल्या पैसे परत देण्याची मागणी केली. मात्र त्यांनी पैसे देण्यास टाळाटाळ केली. पैसे देत नसल्याने आपली फसवणूक झाल्याचे तक्रारदाच्या लक्षात आले. त्यानंतर त्यांनी पोलिस ठाण्यात तक्रार दिली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…!
Pune Crime News | पुण्यात लग्नाचे आमिष दाखवून तरुणीवर बलात्कार; तरुणी गर्भवती!
Pune Crime News | पुण्यात लग्नाचे आमिष दाखवून तरुणीवर बलात्कार; तरुणी गर्भवती!
