Fire | टाकवे बुद्रुक (मावळ) : आंदर मावळातील नागाथली येथील गोठ्याला आग लागून, सहा म्हशींचा दुर्दैवी मृत्यू झाला आहे. गुरुवारी रात्री दोनच्या सुमारास हि घटना घडली आहे.
मिळालेल्या माहितीनुसार, नागाथली येथील शेतकरी रामदास माऊली खांडभोर यांच्या गोठ्याला गुरुवारी रात्री दोनच्या सुमारास अचानक आग लागली. गोठ्यात सात म्हशी होत्या. त्यातील सहा म्हशींचा जागीच मृत्यू झाला तर एक म्हैस जखमी झाली आहे. आगीचे कारण अद्याप समजले नाही. यात रामदास खांडभोर यांचे चार ते पाच लाख रुपयांचे नुकसान झाले आहे.
पशुधन विस्तार अधिकारी अनिल परांडवाल, वडेश्वर दवाखाना श्रेणी दोनचे डॉक्टर नितीन मगर, डाहुली श्रेणी दोन दवाखान्याचे पशुधन पर्यवेक्षक डॉक्टर सचिन आरोटे यांनी घटनास्थळाला भेट देवून, आकस्मित मृत्यूची नोंद केली. जखमी म्हशीवर डॉ. सचिन आरोटे आणि डॉ. नितीन मगर हे उपचार करत आहेत.
दरम्यान, याबाबत बोलताना पशुधन विकास अधिकारी नितीन मगर म्हणाले, ‘‘तलाठी यांनी गोठ्याचा तसेच म्हशींचा पंचनामा केला आहे. आम्ही सहा म्हशींच्या किमतीचा अंदाज तलाठ्यांना पाठवला आहे. आगीतून वाचलेली सातवी म्हैस सुखरूप आहे.”
अधिक बातम्या वाचण्यासाठी येथे क्लिक करा….!
Daund Crime : दौंडमधील गोहत्या करणाऱ्या टोळीवर तडीपारीची कारवाई
Wagholi Fire : वाघोलीतील शुभ गोडावूनला भीषण आग या अशुभघटनेत तिघांचा होरपळून जागीच मृत्यू
