पुणे : कर्वेनगर येथील एका संस्थेत शिकणाऱ्या अभियांत्रिकीच्या विद्यार्थ्याची पार्टी रंगात आली असताना एका मद्यधुंद विद्यार्थ्याने मैत्रिणीवर बलात्कार केल्याची धक्कादायक घटना घडली असून या प्रकरणात पोलिसांनी आरोपीला अटक केली आहे.
स्वप्निल ठाणगे (वय-२४, मूळ रा. दौंड) असे अटक करण्यात आलेल्या आरोपीचे नाव आहे. याप्रकरणी एका २० वर्षीय तरुणीने पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, अभियांत्रिकी अभ्यासक्रमाचे शिक्षण घेणाऱ्या सात ते आठ मित्र-मैत्रिणींनी एकत्र येऊन शनिवारी (ता.२६) मित्राच्या घरी पार्टीचे आयोजन करण्यात आले होते. त्यावेळी २० वर्षीय पीडित तरुणीने मद्यपान केल्यानंतर तिला अस्वस्थ वाटू लागले. मोकळ्या हवेत उभे रहावे, असा विचार करुन ही तरुणी घराच्या गॅलरीमध्ये गेली. या तरुणीपाठोपाठ आरोपी स्वप्नील देखील गॅलरीमध्ये गेला. त्यानंतर आरोपी स्वप्नीलने गॅलरीमध्ये पहाटेच्या सुमारास या तरुणीवर बलात्कार केला.
या प्रकरणात पीडित महिलेने पोलीस स्टेशनमध्ये तक्रार दाखल केल्यानंतर पोलिसांनी तातडीने आरोपीला अटक केली आहे.
