पुणे : पुर्वी झालेल्या भांडणाचा राग मनात ठेवुन चौघांनी मिळुन युवकास शस्त्राने व लाथा बुक्क्यांनी बेदम मारहाण केली. ही घटना मंगळवारी (ता. ०३) दुपारी साडेचार वाजण्याच्या सुमारास कोरेगाव पार्क परिसरातील रेल्वे पिंडचे बाजुस घडली आहे. याप्रकरणी कोरेगाव पार्क पोलिसांनी तिघांना अटक केली आहे.
ऋतीक घाडगे उर्फ दिघ्या (वय – २०, रा. गाडगे महाराज वहसात, कोरेगाव पार्क), दिनेश युवराज ओहाळ (वय – २२), सागर कल्याण माने (वय- ३०, रा. गांधी नगर, कोरेगाव पार्क) आणि रूपेश दिंगबर जगताप (२२, रा. सर्व गाडगे वसाहत, कोरेगाव पार्क) अशी गुन्हा दाखल केलेल्यांची नावे आहेत.
पोलिसांनी दिलेल्या माहितीनुसार, पुर्वी झालेल्या भांडणाचा राग मनात ठेवुन आरोपींनी फिर्यादीला बेदम मारहाण केली. याप्रकरणी ओहाळ, माने आणि जगतापला अटक करण्यात आली आहे. आरोपी घाडगे उर्फ दिघ्या, ओहाळ आणि माने हे पोलिसांच्या रेकॉर्डवरील आहेत. गुन्हयांचा तपास सहाय्यक पोलिस निरीक्षक लिंगाडे करीत आहेत.
