मुंबई: भारत जोडो यात्रा करणाऱ्या राहुल गांधी यांना धमकी देण्यात आल्याची बातमी नुकतीच आली होती. त्यानंतर आता पंतप्रधान मोदीही टार्गेटवर असल्याचे समोर आले आहे. पोलिसांनी मेसेज पाठवणाऱ्या व्यक्तीचा तपास सुरू केलाय.
मुंबई वाहतूक पोलिसांना हा मेसेज आला आहे. याप्रकरणी वरळी पोलिस ठाण्यात एफआयआर दाखल करण्यात आला आहे. पोलिसांनी तातडीने तपास सुरू केलाय. पंतप्रधान मोदींना यापूर्वीही अशी जीवे मारण्याची धमकी आलीय. त्यामुळे पोलिस अधिक दक्ष झालेत.
पंतप्रधान नरेंद्र मोदी यांच्या जीवाला धोका असल्याचे समोर आले आहे. त्यांच्या हत्येचा अंडरवर्ल्ड डॉन दाऊद इब्राहिमने कट रचल्याचा व्हॉटसअॅप मेसेज मुंबई पोलिसांना आलाय. त्यामुळे खळबळ उडालीय.
मुंबई पोलिसांना पाठलेल्या ऑडिओ मेसेजमध्ये म्हटले आहे की, पंतप्रधान नरेंद्र मोदींच्या हत्येचा अंडरवर्ल्ड डॉन दाऊद इब्राहिम याने कट रचला आहे. त्यासाठी त्याने मुस्ताक अहमद आणि मुस्ताक या दोघांना पंतप्रधानांच्या हत्येची सुपारी दिलीय. या मेसेजमुळे एकच खळबळ उडालीय.
