दौंड Daund Crime : एटीएममध्ये चोरी करण्यासाठी चोरट्यांनी एटीएम मध्ये जिलेटीनचा स्फोट घडवून आणल्याचा धक्कादायक प्रकार दौंड (Daund Crime) तालुक्यातील पारगाव येथून समोर आला आहे. (Daund Crime) येथील इंडिया वन कंपनीच्या एटीएममध्ये हा प्रकार घडला आहे. मात्र ऐनवेळी लोकांची चाहूल लागल्याने चोरट्यांनी पोबारा केला आहे. (Daund Crime)
यवत पोलीस ठाण्यात गुन्हा दाखल
याप्रकरणी यवत पोलीस ठाण्यात किशोर निंबाळकर यांनी फिर्याद दिली आहे. त्यावरून तीन अज्ञात चोरट्यांचा विरोधात एटीएम मध्ये स्फोट घडवून आणण्याचा आणि कॅश चोरी करण्याचा प्रयत्न करण्याप्रकरणी गुन्हा दाखल केला आहे.
या घटनेबाबत माहिती अशी की, पारगाव येथील इंडिया वन कंपनीचे एटीएम तीन अज्ञात चोरट्यांनी स्फोटकांच्या सहाय्याने उडवले. हा प्रकार 4 मे रोजी मध्यरात्री घडला. दरम्यान एटीएम मधील पैसे चोरत असताना चोरट्यांना स्थानिकांची चाहूल लागली त्यामुळे त्यांनी अंधाराचा फायदा घेत उसाच्या शेतातून पळ काढला. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Daund Crime | सुनेची सासूला मारहाण, यवत पोलीस ठाण्यात गुन्हा दाखल…!
