Pune Crime दापोडी, ता. 23 : गुन्हेगारीला आळा घालण्यासाठी सतर्क असलेल्या दापोडी पोलीस ठाण्याच्या तपास पथकाने धाडसी कारवाई करत दोन संशयित तरुणांना ताब्यात घेत त्यांच्या ताब्यातून दोन देशी बनावटीची पिस्तुले, सहा जिवंत काडतुसे आणि दोन मोकळी मॅगझिन जप्त केली आहेत. या कारवाईमुळे परिसरात मोठी खळबळ उडाली असून संभाव्य गंभीर गुन्हा टळल्याचे बोलले जात आहे. Pune Crime
यश नंदकिशोर कांबळे (वय 19, रा. पिंपळे गुरव) आणि अथर्व सुनील भोकरे (वय 21, रा. नवी सांगवी) अशी अटक करण्यात आलेल्या आरोपींची नावे आहेत. पोलिसांनी दिलेल्या माहितीनुसार, तपास पथकातील अधिकारी व अंमलदार नियमित पेट्रोलिंग करत असताना पोलीस हवालदार प्रवीण पाटील यांना त्यांच्या बातमीदारामार्फत माहिती मिळाली की, दोन इसम पिस्तुलासह कासारवाडी परिसरात भोसरी–सांगवी उड्डाणपुलाखाली संशयास्पदरीत्या थांबले असून ते काहीतरी गुन्हा करण्याच्या तयारीत आहेत. Pune Crime
या माहितीच्या आधारे पोलिसांनी तत्काळ सापळा रचत घटनास्थळी धाड टाकली. पोलिसांनी वेगाने कारवाई करत दोन्ही संशयितांना ताब्यात घेतले. त्यांच्या झडतीदरम्यान दोन देशी बनावटीची पिस्तुले, सहा जिवंत काडतुसे आणि दोन मॅगझिन असा साठा जप्त करण्यात आला. यामुळे संभाव्य मोठा गुन्हा उधळण्यात पोलिसांना यश आले आहे. या दोन्ही आरोपींचा पूर्वीचा कोणताही गुन्हेगारी इतिहास नसल्याची प्राथमिक माहिती समोर आली आहे. दोन्ही आरोपींच्या विरोधात दापोडी पोलीस ठाण्यात भारतीय हत्यार कायदा कलम 3(25), महाराष्ट्र पोलीस अधिनियम कलम 37(1)(3) तसेच भारतीय न्याय संहितेतील संबंधित कलमांनुसार गुन्हा दाखल करण्यात आला आहे. Pune Crime
ही कारवाई वरिष्ठ पोलीस निरीक्षक विजय वाघमारे यांच्या मार्गदर्शनाखाली पोलीस उपनिरीक्षक भास्कर, पोलीसहवालदार पाटील, पोलीस अंमलदार काळे, ओहोळ, सोनावणे आणि संकुनहट्टे यांच्या पथकाने यशस्वीपणे पार पाडली. Pune Crime
