सागर जगदाळे
भिगवण: घरफोडी करून तब्बल १० तोळे सोने व रोख रक्कम असा सुमारे ५ लाखाहून अधिक रुपयांचा ऐवज अज्ञात चोरट्यांनी चोरून नेल्याची धक्कादायक घटना डाळज नं (ता.इंदापूर) येथे काल गुरुवारी (ता.१५) दुपारी बारा ते तीन या दरम्यान घडली आहे.
याप्रकरणी प्रकाश साहेबराव जगताप (वय -६८, डाळज नं. १ ता. इंदापुर जि.पुणे) यांनी भिगवण पोलीस ठाण्यात तक्रार दिली आहे. त्यानुसार भिगवण पोलीस ठाण्यात अज्ञात चोरट्यांविरोधात गुन्हा दाखल केला आहे.
भिगवण पोलिसांनी दिलेल्या माहितीनुसार, प्रकाश जगताप हे एक शेतकरी आहेत. गुरुवारी दुपारी बारा ते तीन च्या सुमारास अज्ञात चोरट्यांनी जगताप यांच्या घराचा दरवाजा तोडून घरात प्रवेश केला आणि. घरातील लोखंडी कपाटामध्ये ठेवलेले सोन्याचे दागीने व रोख रक्कम असा ५ लाखाचा मुद्देमाल चोरून नेला आहे. यामध्ये ७ हजार रोख रक्कम, ३ तोळे वजनाचा एक सोन्याचा राणीहार, ४ तोळे वजनाच्या ४ सोन्याच्या बांगड्या, ३ तोळे वजनाच्या ४ सोन्याच्या अंगठ्या असा एकूण सुमारे ५ लाख रुपये किंमतीचा मुद्देमाल चोरून गेला आहे.
दरम्यान, याप्रकरणी प्रकाश जगताप यांनी भिगवण पोलीस ठाण्यात तक्रार दिली आहे. त्यानुसार पोलिसांनी अज्ञात चोरट्यांविरोधात गुन्हा दाखल केला आहे. तरी, पुढील तपास भिगवण पोलीस ठाण्याचे पोलीस उपनिरीक्षक विनायक दडस करीत आहे
