Crime News : यवतमाळ, : जिल्ह्यातील वडगाव जंगल पोलीस ठाण्याच्या हद्दीत एक धक्कादायक प्रकार उघडकीस आला आहे. अनैतिक संबंधांमुळे पती अडथळा ठरत असल्याच्या संशयातून पत्नीने प्रियकराच्या मदतीने पतीला विजेचा शॉक देऊन ठार मारण्याचा प्रयत्न केल्याची घटना समोर आली आहे. मात्र संबंधित पती या जीवघेण्या हल्ल्यातून थोडक्यात बचावला. या घटनेमुळे परिसरात मोठी खळबळ उडाली आहे. Crime News :
पोलिसांनी दिलेल्या माहितीनुसार, पंगडी गावातील गजानन मोरे यांनी दिलेल्या तक्रारीवरून पत्नी कवडी गजानन मोरे आणि तिचा कथित प्रियकर विष्णु कडू आत्राम यांना अटक करण्यात आली आहे. गजानन मोरे झोपेत असताना त्यांना विजेचा शॉक देऊन संपवण्याचा कट रचल्याचा आरोप दोघांवर आहे. Crime News :
तक्रारीनुसार, कवडी मोरे हिचे गावातील विष्णु आत्राम याच्यासोबत प्रेमसंबंध होते. या संबंधांमध्ये पती अडसर ठरत असल्याने आरोपींनी मिळून कट रचल्याचे समोर आले आहे. घटनेनंतर वडगाव जंगल पोलिसांनी तत्काळ कारवाई करत दोघांना ताब्यात घेतले. Crime News :
या प्रकरणाचा पुढील तपास वडगाव जंगल पोलीस करत असून, घटनेमुळे परिसरात भीती आणि चर्चेचे वातावरण निर्माण झाले आहे. Crime News :
