फिजा शेख
दौंड (पुणे): दौंड तालुक्यातील वरवंड येथील विद्यार्थांच्या दोन गटात तुफान हाणामारी झाल्याची घटना समोर आली आहे. शाळा आणि महाविद्यालयामधील एका गटाने दुसऱ्या गटाच्या विद्यार्थ्यांना बेदम मारहाण केली आहे. क्षुल्लक कारणावरून हाणामारीची घटना घडली असल्याची माहिती समोर येत आहे. या मारहाणीचा व्हिडीओ सोशल मिडीयावर व्हायरल झाला आहे.
मिळालेल्या माहिती नुसार, वरवंड (ता. दौंड) येथील महाविद्यालयातील आणि शाळेतील विद्यार्थ्यांमध्ये वाद झाले आणि मग या वादाचे रुपांतर हाणामारीत झाले. एका गटाने दुसऱ्या गटाच्या विद्यार्थ्यांना बेदम मारहाण करण्यास सुरुवात केली.
भर रस्त्यावर विद्यार्थी मारहाण करत असतानाचा व्हिडीओ देखील सोशल मिडीयावर व्हायरल झाला आहे. दरम्यान, आजूबाजूच्या नागरिकांनी भांडणे सोडवण्याचा प्रयत्न केला तरीही विद्यार्थ्यांची हुल्लडबाजी सुरू होती.
