Nagar News : अहमदनगरमधून एक खळबळजनक घटना समोर येत आहे. शहरातील एकविरा चौकामध्ये शनिवारी दोन गटात तुफान हाणामारी झाली असून, या घटनेत राष्ट्रवादी काँग्रेसचे अंकुश चत्तर गंभीर जखमी झाले आहेत. त्यांच्यावर सध्या खासगी रुग्णालयामध्ये उपचार सुरू आहेत. नगरच्या सावेडी उपनगरातील एकविरा चौकात ही घटना घडली असून, परिसरात तणावाचे वातावरण आहे.(Nagar News)
उपनगरातील एकविरा चौकात ही घटना घडली.
दरम्यान, या घटनेची माहिती मिळाल्यानंतर आमदार संग्राम जगताप हे घटनास्थळी दाखल झाले आहेत. तोफखाना पोलिसांचे विशेष पथक सुद्धा या ठिकाणी हजर झाले आहे. खासगी रुग्णालयात अंकुश चत्तर यांच्यावर उपचार सुरू असून, या ठिकाणी मोठा पोलीस बंदोबस्त तैनात करण्यात आला आहे.(Nagar News)
घटनेबाबत मिळालेल्या अधिक माहितीनुसार, सावेडी उपनगरातील एकविरा चौकात शनिवारी रात्री साडेदहाच्या सुमारास तुफान राडा झाला. दोन गटांमध्ये हाणामारी तसेच दगडफेक झाल्याची माहिती देखील समोर येत आहे. या घटनेत राष्ट्रवादीचा एक पदाधिकारी गंभीर जखमी झाला आहे. अंकुश चत्तर असे त्यांचे नाव आहे. त्यांना उपचारासाठी रुग्णालयात दाखल करण्यात आले आहे. या प्रकारामुळे परिसरात तणावाचे वातावरण आहे.(Nagar News)
दरम्यान, घटनेची माहिती मिळताच तोफखाना पोलिसांनी घटनास्थळी धाव घेतली. हा राडा नेमका कशामुळे झाला याचे कारण अद्याप अस्पष्ट असून, पुढील तपास सुरू असल्याची माहिती तोफखाना पोलिसांनी दिली.
