चेन्नई एक्सप्रेस | पुणे : रेल्वे स्थानकावर प्रवाशांचे मोबाईल आणि त्यांचे सामान चोरी करणाऱ्या दोन महिलांना रेल्वे सुरक्षा बलाने (आरपीएफ) बेड्या ठोकल्या आहेत.
अनिता गोरख भोसले (वय – ३५), व शशिकला दिपक भोसले (वय -३२ दोघी रा. इंदिरानगर, अहमदनगर) अशी अटक करण्यात आलेल्या दोघींची नावे आहेत. त्यांच्याकडून चोरी केलेले साहित्य ताब्यात घेण्यात आले आहे.
चेन्नई एक्सप्रेसमध्ये चढताना दोन महिला चोरी करताना सीसीटीव्हीच्या माध्यमातून दिसून आल्या. सदर महिलांचा तपास करीत असताना या महिला पुणे रेल्वे स्थानकावर मिळून आल्या. महिलांना ताब्यात घेऊन त्यांच्याकडून चोरी केलेले साहित्य ताब्यात घेण्यात आले आहे.
दरम्यान, रेल्वे सुरक्षा आयुक्त उदय सिंग पवार यांच्या मार्गदर्शनाखाली आरपीएफ निरीक्षक बी.एस. रघुवंशी आणि विशाल मोरे, स्वाती पाटील, सय्यद रसूल, युवराज गायकवाड यांच्या पथकाने ही कारवाई केली.
