हडपसर : विवाह नोंदणी संकेतस्थळावरुन झालेल्या ओळखीचा फायदा घेऊन तरुणीचा विनयभंग केल्याची धक्कादायक घटना पुण्यात उघडकीस नुकतीच आली आहे. याप्रकरणी हडपसर येथील एका तरुणाच्या विरोधात चतु:शृंगी पोलिस ठाण्यात गुन्हा दाखल करण्यात आला आहे.
तेजस आबनावे (रा. भोसलेनगर, हडपसर) असे गुन्हा दाखल झालेल्या तरुणाचे नाव आहे. याप्रकरणी एका पिडीत तरुणीने चतु:शृंगी पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, आरोपी तेजस आबनावे व पिडीत तरुणी यांची एका विवाह नोदणी संकेतस्थळावरुन ओळख झाली होती. त्यानंतर आरोपी तेजस आबनावे याने पिडीत तरुणीला विवाहविषयक मत व तरुणीचा परिचय करुन घेण्यासाठी पुण्यातील सेनापती बापट रस्त्यावर बोलावून घेतले होते.
त्यानंतर आरोपी तेजसने तरुणीला गाडीत बसविले. व आरोपीने लज्जास्पद वर्तन करून तरुणीचा विनयभंग केला. त्यानंतर तरुणीच्या मोबाइलवर संपर्क साधून शिवीगाळ केली आहे. असे तरुणीने दिलेल्या फिर्यादीत म्हटले आहे. याप्रकरणी आरोपी तेजस आबनावे याच्या विरोधात गुन्हा दाखल करण्यात आला आहे. पुढील तपास पोलीस उपनिरीक्षक गाडेकर करीत आहेत
