झाल्लार, मध्यप्रदेश : बस आणि कारची समोरासमोर धडक झाल्याने ११ जणांचा जागीच मृत्यू झाल्याची धक्कादायक घटना बैतूल जिल्ह्यातील झाल्लार पोलीस ठाण्याच्या परिसरात आज शुक्रवारी (ता.४) पहाटे घडली आहे.
या गंभीर अपघातात १ जण गंभीर जखमी असून त्याच्यावर झाल्लार येथील रुग्णलयात उपचार सुरु आहेत. मिनी बस व तवेरा या दोन्ही गाड्यांचे अपघातात मोठे नुकसान झाले आहे, अशी माहिती बैतूलचे पोलीस अधीक्षक सिमला प्रसाद यांनी दिली आहे.
दरम्यान, या अपघातात बस आणि कारची समोरासमोर टक्कर झाल्याचे आणि कारचा चक्काचूर झाल्याचे दिसत आहे. कारमधील बहुतांश प्रवाशांचा मृत्यू झाल्याचे समजते. बसच्या फक्त पुढील भागाचे नुकसान झाले आहे.
