पुणे : गंडंगणाचे जेवण करण्यासाठी घराला कुलूप लावून गेलेल्या घरात अज्ञात चोरट्यांनी प्रवेश करून सव्वा लाख रुपयांचा मुद्देमाल चोरून नेल्याची घटना आंबेगाव बुद्रुक परिसरात मंगळवारी (ता. २१) रात्री नऊ ते साडे अकराच्या सुमारास घडली आहे.
याप्रकरणी अमोल मरो (वय-३० रा. आंबेगाव बुद्रुक) भारती विद्यापीठ पोलीस ठाण्यात यांनी तक्रार दिली आहे. त्यानूसार, अनोळखी चोरट्याविरोधात गुन्हा दाखल केला आहे.
पोलिसांनी दिलेल्या माहितीनुसार, अमोल मरो हे आंबेगाव बुद्रुक परिसरात चौडाई हाईट्स येथे राहातात. मारो कुटुंबीय हे गंडंगणाचे जेवण करण्यासाठी गेले होते.
यादरम्यान चोरट्यांनी मुख्य दरवाजाच्या पाठीमागील खिडकीच्या ग्रीलमधून आत प्रवेश केला. यावेळी चोरट्याने घरातील १ लाख १२ हजारांचा ऐवज लंपास केला, याप्रकरणी तक्रार दिली आहे.
