Breaking News : पुणे : भाजपचे माजी नगरसेवक उदय जोशी व त्यांच्या मुलाने जवळपास १०० जणांना २५ कोटी रुपयांना गंडा घातल्याचे धक्कादायक वास्तव नुकतेच उघडकीस आले आहे. स्वतःच्या नावे असलेल्या गॅस एजन्सीमध्ये रक्कम गुंतविल्यास बँकेपेक्षा चांगला परतावा देण्याचे आमिष त्याने ग्राहकांना दाखविले. फिर्यादींनी त्यांच्याकडे गुंतविलेले पैसे परत मागितले असता, तुला तुझ्या जीवाची भिती वगैरे वाटत नाही काय, अशी धमकी दिली. याप्रकरणी आतापर्यंत ९ जणांनी पुढे येऊन आर्थिक गुन्हे शाखेकडे तक्रारी दिल्या आहेत. याप्रकरणी उदय त्र्यंबक जोशी (वय ६५) आणि त्यांचा मुलगा मयुरेश उदय जोशी (वय ४६, रा. पानमळा) यांच्यावर विश्रामबाग पोलीस ठाण्यात गुन्हा दाखल केला आहे. याबाबत मंगेश जगदिश खरे (रा. सदाशिव पेठ) यांनी विश्रामबाग पोलीस ठाण्यात फिर्याद दिली आहे.
विश्रामबाग पोलीस ठाण्यात फिर्याद दाखल
याप्रकरणी मिळालेल्या अधिक माहितीनुसार, जुलै २०२१ ते ६ डिसेंबर २०२२ दरम्यान हा प्रकार घडला. उदय जोशी हे सदाशिव पेठेतून १९९७ ते २००२ दरम्यान भाजपचे नगरसेवक होते. महिला आरक्षणानंतर त्यांच्या पत्नी शुभदा जोशी या नगरसेविका होत्या. त्यांचा मुलगा मयुरेश जोशी याला गॅस एजन्सी मिळाली. (Breaking News) त्याच्या श्रीराम गॅस एजन्सीमध्ये रक्कम गुंतविल्यास बँकेपेक्षा चांगला परतावा देण्याचे आमिष उदय जोशी याने दाखविले. फिर्यादी यांनी ९ लाख १० हजार रुपये तसेच त्यांच्या आईच्या बँक खात्यातून ५ लाख रुपये असे एकूण १४ लाख १० हजार रुपये श्रीराम गॅस एजन्सीमध्ये गुंतविले.
दरम्यान, मयुरेश जोशी याने रिझर्व बँक ऑफ इंडियाची कोणतीही परवानगी नसताना वार्षिक १२ टक्के व्याजाच्या खोट्या एफडी सर्टिफिकेटस फिर्यादीला दिल्या. (Breaking News) त्यावर आजपर्यंत कोणताही परतावा न देता, फिर्यादीची १४ लाख १० हजार रुपयांची फसवणूक केली. त्यांनी तक्रार केल्यावर पैसे आज देतो, उद्या देतो, अशी आश्वासने तो देत होता. फिर्यादी यांच्याप्रमाणेच उदय जोशी याने अनेकांची अशा प्रकारे फसवणूक केली आहे. त्यापैकी फिर्यादी व अन्य ८ जणांनी पुढे येऊन तक्रारी दिल्या आहेत. जवळपास १०० जणांची २५ कोटी रुपयांवर फसवणूक झाल्याचे सांगितले जात आहे.
याबाबत पोलीस निरीक्षक मोरे अधिक तपास करीत आहेत.
अधिक बातम्या वाचण्यासाठी येथे क्लिक करा :
Breaking News : वडिलांनी मुलाला दिला काम करण्याचा सल्ला; मग् मुलाने केला आई-वडिलांवर खुनी हल्ला
