श्रीनगर : काश्मीरमध्ये आयटीबीटीच्या ३९ जवानांना घेऊन जाणारी बस नदीपात्रात कोसळली ही धक्कादायक घटना पहलगाम येथील चंदनवाडी परिसरात घडली आहे. यामध्ये ६ जणांचा मृत्यू झाल्याची माहिती समोर येत आहे.
मिळालेल्या माहितीनुसार, चंदनवाडीहून पहलगामकडे इंडो-तिबेट बॉर्डर पोलीसच्या ३९ जवानांना घेऊन बस चालली होती. तेव्हा बसचा ब्रेक फेल झाल्याने बस दरीमध्ये कोसळली. सहा जवानांच्या मृत्यूची पुष्टी झाल्याचे बचाव पथकाच्या पथकांनी सांगितले आहे. तर या दुर्घटनेत अनेक जवानांचा मृत्यू झाल्याचा अंदाज वर्तवला जात आहे. हा घातपात असल्याची भीती व्यक्त करण्यात आली आहे.
