Big Breaking पुणे : राष्ट्रवादी काँग्रेस पक्षाचे नेते आणि मंत्री छगन भुजबळ यांना जीवे मारण्याची धमकी देणाऱ्याला पुणे पोलिसांनी महाड (जि. रायगड) येथून बेड्या ठोकल्या आहे. (Big Breaking)
गुन्हे शाखेच्या पोलिसांनी व कोरेगाव पार्क पोलिसांची संयुक्त कारवाई
प्रशांत दशरथ पाटील (वय-२४, रा . चंदगड, कोल्हापूर) असे अटक करण्यात आलेल्या आरोपीचे नाव आहे.
पोलिसांनी दिलेल्या माहितीनुसार, छगन भुजबळ सोमवारी पुण्यात असताना आरोपीने कार्यालयातील एका कार्यकर्त्यांच्या मोबाईलवर फोन करुन जीवे मारण्याची धमकी दिली होती. आरोपीने भुजबळ यांना जीवे मारण्याची सुपारी मिळाली असल्याचे म्हटले होते. तसेच धमकी देणाऱ्या व्यक्तीने स्वतःचे नाव प्रशांत पाटील असल्याचे सांगितले आहे.
त्यानंतर भुजबळ यांच्या कार्यालयाकडून पुणे पोलिसांना तत्काळ या प्रकरणाची माहिती देण्यात आली. पुणे पोलिसांच्या गुन्हे शाखेने आणि कोरेगाव पार्क पोलिसांनी तपास सुरू केला. पोलिसांनी मोबाईल नंबरच्या आधारे प्रशांत पाटीलला महाड येथून अटक केली आहे.
दरम्यान, संबंधित व्यक्तीने मद्यधुंद अवस्थेत धमकीचा फोन केल्याची प्राथमिक माहिती पोलिसांनी दिली. या पार्श्वभूमीवर आता छगन भुजबळ यांच्या सुरक्षेत वाढ करण्यात आली आहे.
ही कारवाई गुन्हे शाखेचे पोलिस उपायुक्त अमोल झेंडे, सहायक आयुक्त सुनील तांबे, सहायक आयुक्त सतीश गोवेकर यांच्या मार्गदर्शनाखाली गुन्हे शाखेच्या पोलिसांनी आणि कोरेगाव पार्क पोलिसांनी केली आहे.
