Pune News : पुणे : स्टेट बँकेच्या एटीएमवर दरोडा टाकण्याच्या तयारीत असलेल्या ८ ते १० जणांच्या दरोडेखोरांनी टोळक्याने पोलिसांवर हल्ला केला असून एक पोलीस कर्मचारी जखमी झाला आहे. तर पोलिसांनीही दरोडेखोरांवर गोळीबार केला आहे. ही घटना वारजे येथील रोजरी स्कुलजवळील म्हाडा वसातीमध्ये मध्यरात्री एक वाजता घडली. या घटनेत ५ जणांना पोलिसांनी ताब्यात घेतले आहे. Pune News
मिळालेल्या माहितीनुसार, गुन्हे शाखा युनिट ३ च्या पथकाने शुक्रवारी रात्री संपूर्ण शहरात नाकाबंदी केली होती. यावेळी रोझरी स्कुलजवळ ८ ते १० जणाच्या संशयास्पद हालचाली दिसून आल्या. तेव्हा त्यांना ताब्यात घेण्यासाठी पोलिस त्यांच्या दिशेने जात होते. त्यावेळी त्यांच्यातील एकाने पिस्तुल काढून पोलिसांच्या दिशेने गोळीबार करण्याचा प्रयत्न केला. यावेळी पोलिसांनीही गोळीबार केला.
यावेळी झटापटीमध्ये एका चोरट्याने पोलिसांच्या दिशेने कोयता फेकून मारला. तो पोलीस कर्मचारी कट्टे यांना लावून ते जखमी झाले. यावेळी पोलिसांनी त्यांच्यातील ५ जणांना पकडले. इतर जण अंधाराचा फायदा घेऊन पळून गेले. पकडलेल्या ५ जणांकडून एक गावठी कट्टा, ४ जिवंत काडतुसे, कोयते, कटावणी, स्क्रु ड्रायव्हर, हातोडा असा माल जप्त केला आहे.
दरम्यान, स्टेट बँकेचे एटीएम फोडण्याच्या तयारीत हे दरोडेखोर होते. हे दरोडेखोर सराईत गुन्हेगार असून त्यांच्यावर गंभीर गुन्हे यापूर्वी दाखल आहेत. वारजे माळवाडी पोलीस ठाण्यात गुन्हा दाखल करण्यात येत आहे. Pune News
