Big Breaking छत्रपती संभाजीनगर : समृद्धी महामार्गावर विदर्भ ट्रॅव्हल्सच्या झालेल्या भीषण अपघातात २५ प्रवाशांचा मृत्यू झाल्याची धक्कादायक घटना ताजी असतानाच, आता ट्रॅव्हल्स व ट्रकचा समृद्धी महामार्गावर गेट नंबर १६ वर असलेल्या सावंगी गावजवळ भीषण अपघात झाला आहे. (Big Breaking) या अपघातात २० जण गंभीर जखमी झाले आहेत. (Big Breaking)
खुराणा ट्रॅव्हल्सचा अपघात
मिळालेल्या माहितीनुसार, खुराणा ट्रॅव्हल्स आणि ट्रक यांच्यात सावंगीजवळ मंगळवारी (ता.११) रात्रीच्या सुमारास अपघात झाला आहे. हा अपघात एवढा भीषण होता कि, ट्रॅव्हल्सच्या समोरील भागाचा पूर्णपणे चुराडा झाला. या अपघातात २० जण जखमी झाले आहेत.
दरम्यान, जखमींमधील ११ जणांना डिस्चार्ज देण्यात आला आहे तर ९ जणांवर अजूनही घाटी रुग्णालयात उपचार सुरू आहेत. तर सुदैवाने या अपघातात कोणतीही जीवितहानी झालेली नाही. या घटनेचा पुढील तपास पोलीस करीत आहेत.
