जीवन सोनवणे
Bhor News : भोर : पुणे-सातारा महामार्गावरील कामथडी (ता.भोर) येथे स्नॅक्स सेंटरच्या दहा दुकान गाळ्यांचे शटर उचकटून चोरीचा प्रयत्न करण्यात आला. ही घटना सीसीटीव्ही कॅमेऱ्यामध्ये कैद झाली आहे. या घटनेची नोंद राजगड पोलीस स्टेशनमध्ये करण्यात आली आहे.
घटना सीसीटीव्हीमध्ये कैद
कामथडी (ता. भोर) येथे दहा गाळे स्नॅक्स सेंटरसाठी भाड्याने दिले आहेत. ६ आक्टोंबरच्या रात्री काही अज्ञात चोरट्यांनी या सर्व दहा गाळ्यांचे शटर उचकटून चोरी करण्याचा प्रयत्न केला. आत काहीच न मिळाल्याने दुकानांमधील साहित्य चोरट्यांनी अस्ताव्यस्त फेकून दिले. (Bhor News) त्यामुळे साहित्याचे नुकसान झाले आहे. याबाबत गाळा मालक अजय गणेश जाधव (वय २६, रा. केळवडे, ता. भोर) यांनी राजगड पोलीस ठाण्यात अज्ञात चोरट्यांच्या विरोधात तक्रार दाखल केली आहे.
चोरीच्या घटनेबाबत बोलताना पोलीस निरीक्षक अण्णासाहेब घोलप म्हणाले की, या दहा दुकानांतील चोरीच्या प्रयत्नाबाबत पोलिसांनी तपास सुरू केला आहे. (Bhor News) परिसरातील सीसीटिव्ही कॅमेरे तपासले जात असून, लवकरच या चोरट्यांना पायबंद घातला जाईल.
महामार्गावर पोलिसांची गस्त वाढवण्याची मागणी
महामार्गावर अशा पद्धतीने चोऱ्या होऊ लागल्यास व्यावसायिकांना व्यवसाय करणे अवघड होणार आहे. अनेक व्यावसायिकांनी हॉटेलसमोर सुरक्षारक्षक नेमले असून, काही छोट्या दुकानदारांना सुरक्षारक्षक नेमणे शक्य होणार नाही. यासाठी महामार्गावर रात्री एक-दोननंतर पोलिसांची गस्त वाढवावी, अशी मागणी छोट्या व्यावसायिकांनी केली आहे.
अधिक बातम्या वाचण्यासाठी येथे क्लिक करा :
Bhor News : पतसंस्थेमुळे खासगी सावकारीला आळा : चंद्रकांत बाठे यांचे मत
Bhor News : भोंगवलीत शेतीपंपाच्या केबलची चोरी; चोरट्यांच्या बंदोबस्ताची शेतकऱ्यांची मागणी
