सागर जगदाळे
Bhigvan Accident News : भिगवण, (पुणे) : पुणे-सोलापूर महामार्गालगत हॉटेल सागरसमोर सायंकाळी सव्वा सहाच्या सुमारास उभा असलेला कंटनेर (एनएल 01 एए 1929) अचानक विनाचालक धावत पुढे जातो आणि सेवा रस्त्याच्या बाजूला प्रवासी वाहतूक करण्यासाठी उभ्या असणाऱ्या पियाजो गाड्यांवर जाऊन जोरात आदळतो. यामध्ये दोन पियाजो गाड्यांचे नुकसान झाले असून, सुदैवाने यामध्ये कोणतीही जीवितहानी झाली नाही.
केवळ नशीब बलवत्तर म्हणून अनेकांचा जीव वाचतो. पण हा कंटनेर आणखी थोडा पुढे गेला असता तर पुण्याला जाण्यासाठी उभ्या असणाऱ्या प्रवाशांना जाऊन धडकला असता. त्यात मोठा अपघात होण्याची शक्यता होती. पण सुदैवाने यात जीवितहानी झाली नाही.
दरम्यान, या प्रकारानंतर महामार्गावर लोकांनी मोठ्या प्रमाणावर गर्दी केली होती. याबाबतची माहिती मिळताच भिगवण पोलीस ठाण्याचे कर्मचारी अपघातस्थळी दाखल झाले.
