Bawdhan Crime | पुणे : शहरातील बावधन येथे कचरा गोळ्या करणाऱ्या घंटागाडीने पादचारी महिलेस धडक दिल्याचा प्रकार समोर आला आहे. यामध्ये महिला जखमी झाली आहे. हा प्रकार ओमकार गार्डन चौक, बावधन येथे शुक्रवारी (दि. 21) रात्री नऊ वाजताच्या सुमारास घडला.
याप्रकरणी महिलेने हिंजवडी पोलीस ठाण्यात तक्रार दाखल केली आहे. त्यानुसार घंटागाडीवरील अनोळखी चालकाच्या विरोधात गुन्हा दाखल करण्यात आला आहे.
मिळालेल्या माहितीनुसार, बावधन मधील ओमकार गार्डन चौकातून तक्रारदार महिला रस्त्याने पायी चालत जात होती. दरम्यान कचरा गोळा करणाऱ्या घंटागाडी चाकलकाने गाडी पाठीमागे घेतली तेव्हा पाठीमागे असलेल्या महिलेला धडक बसली.
यामध्ये तक्रारदार महिला जखमी झाल्या असून त्यांच्या गुडघ्याला, डोक्याला मार लागला आहे. अपघातानंतर चालक फरार झाला आहे. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा….!
Lonavala Crime | पवना धरणात बुडालेल्या ‘त्या’ तरुणाचा मृतदेह पाण्याबाहेर काढण्यात अखेर यश
Pune Crime : सायबर चोरट्यांचा डॉक्टर महिलेला तब्बल २३ लाखांचा गंडा
