Baramati Crime बारामती : शहरातील देशमुख चौकात एका 21 वर्षीय तरुणावर धारदार शस्त्राने वार करत जीवघेणा हल्ला करण्यात आला होता. या प्ररकणी दाखल गुन्ह्यातील दोन आरोपींना बारामती शहर पोलिसांनी बेड्या ठोकल्या.
गौरव राकेश वर्मा (वय 21) व गणेश सुभाष गरगटे (वय 23, रा. दोघेही रा. श्रावण गल्ली, बारामती) अशी अटक केलेल्या आरोपींची नावे आहेत. न्यायालयाने त्यांना पाच दिवसांची पोलिस कोठडी सुनावली आहे. अभिषेक प्रकाश वनवे (वय 21, रा. पतन शहानगर) या तरुणाला गौरव वर्मा व गणेश गरगटे यांनी देशमुख चौकात बोलावून घेत त्याच्या पोटात चाकू खुपसून जीवघेणा हल्ला केला.
ससून रुग्णालयात उपचारासाठी दाखल…!
हल्ला केल्यानंतर हे दोन्ही आरोपी त्या ठिकाणावरून पळून गेले. जखमी युवकाला सुरुवातीला बारामतीमध्ये व नंतर पुण्याला ससून रुग्णालयात उपचारासाठी दाखल करण्यात आले. बारामती पोलिसांनी खुनाचा प्रयत्न व कट असा गुन्हा दाखल केला. दोन दिवस आरोपींचा शोध घेऊन दोघांना अटक केली.
गुन्ह्याचा तपास बारामती शहर पोलिस ठाण्याचे पोलिस निरीक्षक सुनील महाडिक, उपनिरीक्षक गणेश निंबाळकर हे करत आहेत.
अधिक बातम्या वाचण्यासाठी येथे क्लिक करा….!
Baramati Crime | बारामतीत दहा ते बारा भटक्या कुत्र्यांचा दीड वर्षांच्या चिमुकलीवर हल्ला
Baramati | दुर्दम्य इच्छा शक्ती च्या जोरावर तीन विवाहित तरुणींचे पोलिस भरतीत नेत्रदीपक यश!
