Baramati Crime बारामती, (पुणे) : घरात घुसून चोरट्यांनी हात पाय बांधून जमीन खरेदीसाठी घरात आणून ठेवलेली तब्बल ५५ लाख तीस हजार रुपयांची रोख रक्कमेसह सोन्या चांदीचे दागिने असा ६३ लाख रुपये किमतीचा मुद्देमाल चोरून नेल्याची घटना बारामती शहरात घडली. शनिवारी (ता. २२) रात्री साडे आठ वाजण्याच्या सुमारास ही घटना घडली आहे.
याप्रकरणी तृप्ती सागर गोफणे (रा. देवकाते नगर, बारामती, त. बारामती) यांनी बारामती तालुका पोलिसांकडे फिर्याद दिली आहे. या घटनेने बारामती परिसरात एकच खळबळ उडाली.
पोलिसांनी दिलेल्या माहितीनुसार…!
रात्रीच्या साडेआठ वाजण्याच्या सुमारास तृप्ती गोफणे यांच्या घरात तीन अज्ञात चोरटे घुसले. त्यावेळी गोफणे ह्या एकट्याच घरी होत्या. चोरट्यांनी गोफणे यांचे हात पाय बांधून घरातील ऐवज चोरून नेला.
यामध्ये जमीन खरेदीसाठी घरात आणून ठेवलेली तब्बल ५५ लाख तीस हजार रुपयांची रोख रक्कम, ६ लाख रुपयांची सोन्याची चेन, ९० हजार रुपयांचे मिनी गंठण, १८ हजार रुपयाची सोन्याची चेन, १२ हजार रुपयांचे कानातील दागिने, १८ हजार रुपयांची अंगठी, ८ हजार रुपयांचा ओप्पो कंपनीचा मोबाईल, २५ हजार रुपयांचा ऍप्पल कंपनीचा मोबाईल असा ऐवज चोरट्यांनी लुटून नेला.
याप्रकरणी गोफणे यांनी पोलिसांकडे फिर्याद दिली आहे. उपविभागीय पोलीस अधिकारी गणेश इंगळे यांनी तसेच तालुका पोलीस ठाण्याचे पोलीस निरीक्षक प्रभाकर मोरे यांनी घटनास्थळी भेट दिली. बारामती शहराच्या रात्रीच्या वेळी सव्वा आठ वाजता अशा प्रकारची चोरी झाल्याने परिसरात मात्र खळबळ उडाली आहे.
अधिक बातम्या वाचण्यासाठी येथे क्लिक करा….!
