Bangalore News : मैं तेरा खून पी जाऊंगा… असा डायलॉग आपण हिंदी चित्रपटांमध्ये ऐकला असेल. पण कर्नाटकमधील चिक्कबल्लापूरमध्ये हा प्रकार प्रत्यक्षात घडलाय. एका माथेफिरुने आपल्या मित्राचा गळा चिरला. तो इथवर थांबला नाही तर गळा चिरल्यानंतर त्याचे रक्त प्यायला सुरुवात केली. यावेळी दुसऱ्या मित्राने हा सर्व प्रकार आपल्या मोबाइलमध्ये कैद केला आहे. माणुसकीला काळीमा फासणारा हा प्रकार पाहून पोलिसही हादरले. पोलिसांनी आरोपीला ताब्यात घेतले आहे.(Bangalore News)
एका माथेफिरुने आपल्या मित्राचा गळा चिरला.
कर्नाटकातील चिक्कबल्लापूर येथे एका मित्राने दुसऱ्या मित्राचा गळा चिरून त्याचे रक्त प्यायले. धक्कादायक बाब म्हणजे त्याच्याच मित्राने ही घटना त्याच्या मोबाईल कॅमेऱ्यामध्ये कैद केली. या घटनेचा व्हिडिओ व्हायरल झाल्यानंतर आरोपी व्यक्तीला अटक करण्यात आली आहे. आरोपीचं नाव विजय असून, तो बटलाहल्ली गावात राहतो.(Bangalore News)
याबाबत मिळालेल्या अधिक माहितीनुसार, विजयच्या पत्नीचे मारेश (मृत व्यक्ती) सोबत अनैतिक संबंध होते. याच रागात विजयने आपल्या मित्रांची हत्या केली. १९ जून रोजी विजय आपला मित्र जॉनसोबत मिळून मारेशला जंगलात घेऊन गेले.(Bangalore News) येथे त्याने मारेशचा गळा चिरला आणि त्यानंतर त्याचं रक्त प्यायला. हे राक्षसी कृत्य जॉनने आपल्या मोबाइलमध्ये कैद केले. ही घटना सोशल मीडियावर व्हायरल झाल्यानंतर पोलिसांनी अॅक्शन घेतली. पोलिसांनी मारेशच्या तक्रारीनंतर आरोपी विजयला अटक केली आहे.
पोलिसांनी दिलेल्या माहितीनुसार, जखमी मारेशला कोणीतरी रुग्णालयात दाखल केले. येथे डॉक्टरांनी त्याच्यावर तातडीने उपचार सुरू केल्यानंतर, तो वाचला आहे. सध्या पीडित तरुणाची प्रकृती ठीक आहे.(Bangalore News)
