पुणे : पुण्यातील विश्रांतवाडी येथील फुलेनगर आरटीओ कार्यालयाच्या आवारात जप्त केलेल्या तब्बल १० वाहनांना रविवारी (ता. १५) दुपारी भीषण आग लागली आहे. ४ कार, ४ लक्झरी बस, १ टेम्पो आणि १ डंपर अशी एकूण १० वाहने पेटल्याची माहिती आहे.
दरम्यान, आगीची माहिती मिळताच येरवडा अग्निशमन दलाचा बंब घटनास्थळी दाखल झाला. अग्निशमन दलाला आगीवर नियंत्रण मिळवण्यात यश आले आहे. सुदैवाने या दुर्घटनेत कोणतीही जीवीतहानी झालेली नाही. ही आग कशी लागली याचे कारण अद्याप समजू शकलेले नाही .
