Accident | पुणे : एसटी बसने ट्रकला पाठीमागून धडक देत भीषण अपघात झाल्याची घटना समोर आली आहे. पुणे-सोलापूर महामार्गावर हा अपघात झाला असून यामध्ये बसमधील 16 प्रवासी किरकोळ जखमी झाले आहेत.
आज बुधवार रोजी पहाटे तीनच्या सुमारास यवत येथील पाटस टोल नाक्यावर हा अपघात झाला आहे.
मिळालेल्या माहितीनुसार, पुणे-सोलापूर महामार्गावरून धाराशिव डेपोची बस पुण्याच्या दिशेने येत होती. दरम्यान बस चालकाचे पाटस टोल नाक्यावर बसवरचे नियंत्रण सुटले. त्यामुळे बस ट्रकला मागून धडकली. सुदैवाने या घटनेत एकाही प्रवाशाला गंभीर दुखापत झाली नाही.
अपघाताची माहिती मिळाताच घटनास्थळी रुग्णवाहिका दाखल झाल्या होत्या. जखमी प्रवाशांना कुरकुंभ प्राथमिक आरोग्य केंद्र, दौंड उपजिल्हा रुग्णालय आणि यवत ग्रामीण रुग्णालयात दाखल करण्यात आले आहे.
अधिक बातम्या वाचण्यासाठी येथे क्लिक करा….!
Accident News : दशक्रिया विधीसाठी निघालेल्या पती पत्नीचा कात्रज परिसरात अपघाती मृत्यू
