पुणे : दुचाकीला हरीण आडवे गेल्याने दौंडमधील दोन सख्या भावाचा कुरकुंभ-बारामती रस्त्यावर भीषण अपघात झाला. या अपघातात एका भावाचा मृत्यु झाला असून, दुसरा गंभीर जखमी झाला आहे. ही घटना शुक्रवारी (ता. ३) रात्री साडेदहाच्या सुमारास घडली आहे.
राहुल बाळासाहेब लोंढे (वय. ३७ रा. फराटे गल्ली, दौंड) असे मृत्यू झालेल्या तरुणाचे नाव आहे.
मिळालेल्या माहितीनुसार, राहुल लोंढे आणि त्याचा भाऊ दुचाकीवरून शुक्रवारी (ता.३) रोजी बारामतीहून दौंडकडे निघाले होते. कुरकुंभ-बारामती रस्त्यावरील फुड कंपनीजवळ रात्रीच्या वेळी दुचाकीला हरीण आडवे गेल्याने दोघे दुचाकीवरूनखाली पडले.
पडल्याने राहुल यांच्या छातीला जबर मार लागल्याने मृत्यू झाला, तर त्याचा भाऊ जखमी झाला आहे. या घटनेनंतर राहुल याचा मृतदेह रूग्णवाहिकेतून दौंड येथील उपजिल्हा रुग्णालयात पाठवण्यात आले. या घटनेमुळे परिसरात शोककळा पसरली आहे.
