Accident News उरुळी कांचन, (पुणे) : पुणे – सोलापूर महामार्गावर सोरतापवाडी (ता. हवेली) ग्रामपंचायत हद्दीत रिक्षाला अज्ञात चारचाकीने पाठीमागून दिलेल्या धडकेत एकजण जागेवरच ठार तर ५ जन जखमी झाल्याची घटना घडली आहे.
सोरतापवाडी फाटा परिसरात सकाळी पाऊणे बारा वाजण्याच्या सुमारास हि घटना घडली आहे.
मिळालेल्या माहितीनुसार, पुणे – सोलापूर महामार्गावरून हडपसरवरून उरुळी कांचनच्या दिशेने एक रिक्षावाला निघाला होता. सकाळी पाऊणे बारा वाजण्याच्या सुमारास रिक्षा सोरतापवाडीतून उरुळी कांचनच्या दिशेने निघाली असताना अचानक चारचाकी गाडीने रिक्षाला पाठीमागून जोरदार धडक दिली. या धडकेत रिक्षात बसलेल्या प्रवाश्यांना गंभीर दुखापत झाली.
दरम्यान, सदर घटनेची माहिती मिळताच उरुळी कांचन येथील कस्तुरी प्रतिष्ठान व लाईफ केअर यांच्या रुग्णवाहिका घटनास्थळी दाखल झाल्या. जखमीना उपचारासाठी उरुळी कांचन येथील सिद्धिविनायक हॉस्पिटल या ठिकाणी उपचार सुरु आहेत. तर यातील एकाचा उपचारापूर्वीच मृत्यू झाल्याचे डॉक्टरांनी सांगितले.
भानुदास गोरे (वय अंदाजे- ५०, रा. थेऊर, ता. हवेली, मूळ रा. लातूर) असे अपघातात मृत्यू झालेल्या व्यक्तीचे नाव आहे. तर सुनीता जगताप व इंदू जगताप रा. दोघीही, बेलसर, ता. पुरंदर या गंभीर जखमी झालेल्या दोघींची नावे आहेत तर विष्णू राजाराम अंधारे व छाया अंधारे (रा. दोघेही सोरतापवाडी, ता. हवेली) असे किरकोळ जखमी झालेल्या दोघांची नावे आहेत. जखमींवर उरुळी कांचन येथील सिध्दीविनायक हॉस्पिटल या ठिकाणी उपचार सुरु आहेत.
