Accident | पुणे : पुण्यातील जुन्नर तालुक्यातून भीषण अपघाताची बातमी समोर आली आहे. एका बेभान पिकअपने शेतमजुरांना चिरडले असून या भीषण अपघात पाच जणांचा जागीच मृत्यू झाला तर तीन जण गंभीर जखमी झाले आहेत. मृतांमध्ये दोन चिमुकल्यांचाही समावेश आहे.
नगर – कल्याण महामार्गावर लवणवाडी येथे रात्रीच्या सुमारास अपघात…
हा भीषण अपघात नगर – कल्याण महामार्गावर लवणवाडी येथे रात्रीच्या सुमारास झाला. मजूर जुन्नर तालुक्यातील नारायणगाव येथून शेतमजुरीची कामे उरकुन पारनेर तालुक्यातील पळशी वनकुटे येथे आपल्या घरी जात असताना त्यांच्यावर हा काळाने घात केला. या घटनेनंतर हळहळ व्यक्त केली जात आहे.
सुंदराबाई (वय २८ ), गौरव मधे (वय ५ ), नितीन मधे (वय २५ ) यांच्यासह एका लहान मुलाचा समावेश आहे. अशी मृतांची नावे असून, मृतांपैकी एकाचे नाव अद्याप समजू शकलेले नाही. अर्चना मधे आणि सुहास मधे असे गंभीर जखमींची नावे आहेत.
अपघाताबाबत अधिक माहिती अशी की, हे शेतमजूर कामावरून आपल्या घरी पारनेर तालुक्यातील पळशी वनकुटे येथे दुचाकीवरून जात होते. ते घरी जात असताना रात्रीच्या सुमारास नगर – कल्याण महामार्गावर लवणवाडी येथे एका भरधाव पीकअपने त्यांना धडक दिली.
ही धडक इतकी भीषण होती की यामध्ये मजूर चिरडले गेले. यात 5 जणांचा जागीच मृत्यू झाला तर तीन जण गंभीर जखमी झाले. अपघाताची माहिती मिळताच येथील स्थानिक नागरिकांनी धाव घेतली व घटनेची माहिती पोलिसांना दिली. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…!
Accident : नगर-पुणे महामार्गावरील ‘त्या; अपघातातील मृतांची संख्या सहावर
Accident News | पुणे सोलापूर महामार्गावर मिथेनाॅल घेऊन जाणाऱ्या टँकरला अपघात
