(Accident) पुणे : पुणे अहमदनगर महामार्गावर मालवाहू ट्रकने टेम्पो आणि कंटेनरला धडक (Accident) दिल्याची धक्कादायक घटना अहमदनगर शहराच्या कामरगाव येथे बुधवारी (ता.२२) मध्यरात्रीच्या सुमारास घडली आहे. या अपघातात शनिशिंगणापूरचे दर्शन घेऊन घरी चाललेल्या आमदाबाद (ता. शिरूर) येथील ४ भाविकांचा जागीच मृत्यू झाला आहे. तर ११ जणांची प्रकृती चिंताजनक आहे.
राजेंद्र साळवे, विजय अवचिते, धीरज मोहिते आणि मयूर साळवे (सर्व रा. आमदाबाद, ता. शिरूर) अशी अपघातात मृत्यू झालेल्यांची नावे आहेत.
मृतांमध्ये एका लहान मुलाचा समावेश…!
मिळालेल्या माहितीनुसार, आमदाबाद येथील १६ भाविक देवगड आणि शनिशिंगणापूरचे दर्शन करण्यासाठी टेम्पोमधून गेले होते. दर्शन घेतल्यानंतर भाविक घरी माघारी चालले होते. पुणे अहमदनगर महामार्गावर जात असताना त्यांच्या वाहनाला पुण्याहून नगरकडे येणाऱ्या मालवाहू ट्रकने अहमदनगर शहराच्या कामरगावाजवळ (Accident) जोरदार धडक दिली. या अपघातात ४ जणांचा जागीच मृत्यू झाला आहे. या मृतांमध्ये एका लहान मुलाचा समावेश आहे. या घटनेमुळे अहमदाबाद गावावरती शोककळा पसरली आहे.
दरम्यान, या घटनेची माहिती मिळताच, पोलीस तातडीने घटनास्थळी दाखल झाले आहेत. पोलिसांनी स्थानिक नागरिकांच्या मदतीने जखमींना रुग्णालयात दाखल केले आहे.
या जखमींमधील ११ जणांची प्रकृती चिंताजनक असून त्यांच्यावर अहमदनगर येथील खासगी रुग्णालयात उपचार सुरु आहेत.
अधिक बातम्या वाचण्यासाठी येथे क्लिक करा…!
Pune Accident | चांदणी चौक परिसरात खाजगी बस १५ फूट खाली कोसळली; बसमध्ये 35 प्रवासी!
