पुणे : पूर्ववैमनस्यातून तरुणाची गोळ्या झाडून हत्या केल्याची धक्कादायक घटना चंदननगर (पुणे) परिसरात आज रविवारी (ता.२१) सकाळी उघडकीस आली आहे.
अक्षय भिसे असे खून झालेल्या तरुणाचे नाव आहे.
मिळालेल्या माहितीनुसार, अक्षय भिसे हे चंदननगर परिसरातील एका मंदिरा जवळ थांबला होता. त्यावेळी त्याचावर दोघांनी पिस्तुलातून गोळीबार केला. आणि दोन्ही आरोपी घटनास्थळावरून फरार झाले.
या घटनेची माहिती मिळताच चंदननगर पोलीस तातडीने घटनास्थळी दाखल झाले. पोलिसांनी जखमी तरुणाला तातडीने रुग्णालयात दाखल केले. परंतु, तेथील डॉक्टरांनी त्याचा उपचारापूर्वीच मृत्यू झाल्याचे घोषित केले.
दरम्यान, अक्षय भिसे याचा खून हा पूर्ववैमनस्यातून खून झाला असल्याची माहिती पोलिसांनी दिली आहे. पोलीस दोन्ही आरोपींच्या मागावर आहेत. तरी, पुढील तपास चंदननगर पोलीस करीत आहेत.
