पुणे : केंद्र सरकारही डिजिटायझेशनला चालना देत आहे. प्रत्येक सुविधेसाठी विविध ॲप्स आहेत. सरकारनेही डिजिटल इंडिया उपक्रमासाठी अनेक ॲप्स विकसित केले आहेत. ॲप्स आणि वेबसाइट्सनी सर्वकाही सोपे केलं आहे. तुम्ही तुमचे महत्त्वाचे दस्तऐवज तुमच्या फोनवर सेव्ह करू शकता. याशिवाय तुम्ही ऑनलाइन व्यवहार करू शकता. या सरकारी ॲप्सद्वारे तुम्हाला अनेक सुविधा मिळू शकतात.
MyGov App:
या ॲपद्वारे तुम्हाला भारत सरकार आणि भारतीय राजकारणाचे सर्व अपडेट मिळू शकतात. या ॲपच्या मदतीने तुम्ही भारत सरकारला सूचनाही देऊ शकता. MyGov ची वेबसाइट देखील दिली आहे. ज्यावर सरकारशी संबंधित सर्व प्रकारची माहिती देण्यात आली आहे.
M Aadhaar:
UIDAI चे m-Aadhaar ॲप अतिशय उपयुक्त आहे. यामध्ये तुम्हाला अनेक सुविधा मिळतील. त्यामध्ये तुम्ही तुमचे आधार कार्ड डिजिटल स्वरूपात ठेवू शकता. आधार कार्ड डिजिटल फॉर्मेटमध्ये ठेवण्याची ही एक उत्तम पद्धत आहे. याच्या मदतीने तुम्ही तुमचे आधार देखील सहज अपडेट करू शकता.
DigiLocker:
डिजिलॉकर ॲप हे अतिशय महत्त्वाचे आणि सोयीचे ॲप आहे. तुम्हाला ते Google Play Store आणि App Store वर मिळेल. या ॲपमध्ये तुम्ही ड्रायव्हिंग लायसन्स आणि पॅन कार्डसारखी आवश्यक कागदपत्रे डिजिटल स्वरूपात ठेवू शकता. यामुळे तुम्हाला तुमच्या कागदपत्रांच्या हार्ड कॉपी ठेवण्याची गरज भासणार नाही. या ॲपचा खूप उपयोग होतो.
BHIM UPI App:
हे ॲप युनिफाइड पेमेंट्स इंटरफेस (UPI) वर आधारित नॅशनल पेमेंट कॉर्पोरेशन ऑफ इंडियाने विकसित केले आहे. या ॲपने ऑनलाइन व्यवहार अतिशय सोपे आणि सुरक्षित केले आहेत. वापरकर्त्यासाठी ऑनलाइन व्यवहार करण्याचा हा सर्वोत्तम मार्ग आहे.
GST Rate Finder App:
केंद्रीय उत्पादन आणि सीमा शुल्क मंडळाने (CBEC) अर्थ मंत्रालयाच्या मदतीने हे ॲप विकसित केले आहे. जीएसटीचे दर सहज उपलब्ध व्हावेत यासाठी ते विकसित करण्यात आले आहे. या ॲपद्वारे तुम्ही जीएसटी दराची संपूर्ण माहिती मिळवू शकता. तुम्ही कोणतीही वस्तू खरेदी करत असाल तर तुम्ही ॲपच्या मदतीने रिअल टाइममध्ये जीएसटीचा दर जाणून घेऊ शकता.
