पुणे : महिलेचा विश्वास संपादन करून पुणे महानगरपालिकेत नोकरी लावून देण्याचे आमिष दाखवत एका महिलेवर बला-त्कार केल्याची घटना नुकतीच उघडकीस आली असून याप्रकरणी महिलेनं कोथरूड पोलिस ठाण्यात फिर्याद दिली आहे.
संतोष पवार असे आरोपीचे नाव असून त्याच्यावर कोथरूड पोलीस ठाण्यात बलात्काराचा गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपी संतोष व पिडीत महिला हे एकमेकांना ओळखीत होते. फिर्यादी महिलेचा विश्वास संपादन करून पुणे महनगरपलिकेत नोकरी लावतो असे आमिष २०१९ पासून आमिष दाखवत होता. तसेच आरोपी संतोष पवार याने पिडित महिलेला नोकरी लावून देण्याच्या बहाण्याने ८ लाख रुपये देखील उकळले. इतकेच नाही तर आरोपीने महिलेला लग्न करतो असे देखील आश्वासन दिले.
दरम्यान, या बहाण्याने महिलेला अनेक वेळा पुण्यातील एका नामांकित हॉटेल मध्ये घेवून जात खाण्यातून काहीतरी देऊन तिच्याबरोबर शारीरिक संबंध ठेवले. आरोपीवर कोथरूड पोलिस ठाण्यात विविध कलमांखाली तक्रार दाखल करण्यात आली आहे.
