सागर जगदाळे
भिगवण : तक्रारवाडी (ता. इंदापूर) ग्रामपंचायत हद्दीत उजनी धरणाच्या बॅकवॉटरमध्ये अज्ञात ३० ते ३५ वर्ष पुरुष जातीच्या व्यक्तीचा डोके नसलेला मृतदेह गुरुवारी (ता. ०९) पाण्यात तरंगताना आढळून आला आहे. हा प्रकार उघडकीस आल्यानंतर गावात एकच खळबळ उडाली असून भिगवण पोलिसांनी घटनास्थळी धाव घेऊन तपास सुरु केला आहे.
मिळालेल्या माहितीनुसार, गुरुवारी सकाळी तक्रारवाडी ग्रामपंचायत हद्दीत उजनी धरणाच्या बॅकवॉटरमध्ये अनोळखी पुरुष इसम अंदाजे वय ३० ते ३५ वर्ष, याचा धारदार हत्याराने खून करून त्याचे डोके माने पासुन कट करून मयताची ओळख पटु नये म्हणून मानेपासून डोके वेगळे करून ते कोठेतरी फेकून देवून, अंगावर कपडे न ठेवता त्याचे शरीराचे अवयव प्लॅस्टीकचे कागदामध्ये व निळे, पांढरे रंगाचे पिशवीमध्ये भरून तरंगत असल्याचे दिसून आले.
सदर माहिती तक्रारवाडी गावाचे पोलीस पाटील अमर धुमाळ यांनी तत्काळ सदर घटना भिगवण पोलिसांना दिली. सदर घटनेची माहिती मिळताच घटनास्थळी बारामती विभागाचे अपर पोलीस अधीक्षक आनंद भोईटे स्थानिक गुन्हे शाखेचे वरिष्ठ पोलीस निरीक्षक अविनाश शिळीमकर, भिगवण पोलीस ठाण्याचे सहाय्यक पोलीस निरीक्षक दिलीप पवार सहायक पोलीस उपनिरीक्षक रूपेश कदम, या अधिकाऱ्यांनी भेट देऊन पाहणी केली.
पोलिसांनी दिलेल्या माहितीनुसार, सदर व्यक्तीचे वय ३० ते ३५ वर्ष आहे. मयताचे उजवे हाताचे मनगटाचे पाठीमागे पोटरीवर टॅटू काढलेला, काळे रंगाची बॉर्डर असलेला व त्यामध्ये लाल रंग असलेला टॅटू, मयताचे नेसणीस एक तपकिरी रंगाची व्हीनस कंपनीची अंडरवेअरआहे.
दरम्यान, सदर वर्णन कोणी अज्ञात मिसिंग व्यक्तीशी आढळून आल्यास भिगवण पोलीस स्टेशन दूरध्वनी क्रमांक ०२१२ /२४६२३३ वर संपर्क साधण्याचे आवाहन सहायक पोलीस निरीक्षक दिलीप पवार यांनी केले आहे.
