बंगळूर : एका मित्राच्या घरून दुसऱ्या मित्राच्या घरी जाण्यासाठी रॅपीडो राईड बुक करणाऱ्या मद्यधुंद २२ वर्षीय तरुणीवर सामूहिक बलात्कार केल्याची घटना घडली असून फिर्यादी तरुणीच्या तक्रारीनंतर पोलिसांनी गुन्ह्याची नोंद केली आहे. पोलिसांनी दोन आरोपीना ताब्यात घेतले असून पोलीस तपास करत आहेत.
फिर्यादी तरुणीला एका मित्राच्या घरून दुसऱ्या मित्राच्या घरी जायचे होते. यावेळी तिने रॅपीडो वरून बाईक बुक केली. बाईकवर बसून फिर्यादी तरुणी तिच्या मित्राकडे चालली होती. यावेळी मद्यधुंद अवस्थेत असणाऱ्या फिर्यादीला बाईक चालकाने तिला इच्छित स्थळी न सोडता आपल्या घरी नेले. बाईक चालक व त्याच्या मित्रांनी रात्रभर फिर्यादीवर सामूहिक बलात्कार केला. सकाळी फिर्यादीला शुद्ध आल्यानंतर त्रास होऊ लागल्याने हॉस्पिटल गाठले. त्यावेळी फिर्यादीवर बलात्कार झाल्याचे उघड झाले.
डॉक्टरांनी पोलिसांना माहिती दिल्यानंतर इलेक्ट्रॉनिक सिटी पोलिसांनी गुन्हयाची नोंद करताना दोघांना अटक केली. पोलिसांनी घटनास्थळाची फॉरेन्सिक तपासणी केली असल्याचे पोलीस आयुक्त प्रताप रेड्डी यांनी सांगितले.
मूळ केरळची असणाऱ्या फिर्यादी बंगळूर येथे एका मित्राच्या घरून दुसऱ्या मित्राच्या घरी जात असताना मद्यधुंद अवस्थेत होती. याचाच फायदा बाईकचालकाने घेताना आपल्या मित्रांसोबत फिर्यादीवर सामूहिक बलात्कार केला. आरोपी असणाऱ्यापैकी एकाची गुन्हेगारी पार्श्वभूमी असल्याने या प्रकरणाचा पोलीस कसून तपास करत असल्याचे आयुक्त रेड्डी यांनी स्पष्ट केले.
